一隻灰甲 全家遭殃
灰甲，好多人都望而生畏，希望對方唔好傳染到自己。其實又唔怪得佢哋，因為灰甲真係會透過皮膚傳染嘅。
灰甲成因
灰甲嘅醫學名稱叫「甲癬」（Onychomycosis），係由真菌引起，喺手指甲或腳趾甲都有可能發生。我哋嘅環境四周都會有真菌嘅存在，特別係潮濕嘅環境。例如喺潮濕天氣下，加上雙腳長期喺唔透氣嘅鞋裡面焗住，汗水加上密閉嘅空間，就好容易滋生真菌，引致灰甲。
真菌係可以傳染嘅，所以透過人與人之間嘅接觸，都有可能得到灰甲。唔只係直接接觸，就連間接接觸都隨時有可能令你患上灰甲，高危行為包括：赤腳喺泳池或更衣室行走、共用毛巾或指甲鉗等個人物品。所以，就算一個人嘅一隻手指有灰甲，都有可能感染埋佢其他嘅手指，更加有機會感染埋屋企人同其他有頻繁接觸嘅人。
灰甲種類
灰甲常見有以下四類：
遠端側緣甲下型
通常由紅色毛癬菌所致，會侵犯甲床同指甲板嘅底部。初頭會喺指甲側邊出現不規則嘅小白斑，之後會變成冇光澤嘅灰斑，繼而變做啡黃色同黑色。後期， 指甲底下會有角質碎屑、甲床亦會變厚。最後，指甲會萎縮，甚至出血。
白色淺表型
由真菌侵犯指甲表層所致。指甲上面會形成白色嘅「小島」。灰甲患者當中，大概有 10%係「白色淺表型」
近端甲下型
唔少人嘅指甲面下方，都可以見到有白色半月形嘅「半月痕」。無論你有冇半月痕，甲面下方同手指皮膚之間（新甲長出嚟嘅位置）都會有一條界線，呢個位置叫「近端甲褶」。「近端甲下型」灰甲就係由於真菌透過「近端甲褶」滲透新長出嘅指甲所致。呢款係最唔常見嘅灰甲，多數出現喺免疫功能低下嘅人身上。
念珠菌感染型
由念珠菌侵犯指甲所致，常見於經常需要雙手長期浸水嘅人士，例如洗碗工 人。感染到呢款灰甲嘅人士，通常本身都喺指甲上有感染或創傷，令念珠菌較易侵犯指甲。
「激走」灰甲
好多人都話灰甲好難斷尾，治療灰甲係「長期抗爭」。唔少人會買一啲治療灰甲嘅外用藥嚟搽，需要持續搽到灰甲完全退走為止，手指甲一般需要 6 個月，腳趾甲更需要 9-12 個月。好多人都不能夠堅持持續搽藥，令到灰甲患況時好時壞。
有人亦會選擇醫生處方嘅口服藥物，不過抗真菌藥物會有副作用，令腸胃唔舒服，甚至影響肝功能。
其實，依家亦有一個不需用藥嘅方法，可以治療灰甲。呢種方法更加唔需要你「長期抗爭」，非常適合冇耐性、唔能夠堅持用藥嘅人。透過波長 1064nm 嘅微秒高能量長脈衝（long pulsed）激光，可以將灰甲「激走」，有效治療灰甲，而且只需要 4-6 次療程就可見成效。
呢種波長 1064nm 嘅激光，可以深入指甲內層，同埋甲底下的皮膚（甲床），唔單止可以消滅真菌，更可以同時殺死真菌孢子，大大減低復發機會。
excel V 激光灰甲治療
詳情可瀏覽﹕
CUTERA® excel V™ 退紅激光
如有任何咨詢，歡迎登記以下資料或致電熱線：
3188 5638 / WhatsApp 9696 8949